ना घोषणा ना जीआर थेट अंमलबजावणी; मुलगी जन्मल्यास प्रसूतीचा खर्च पूर्ण माफ खंडागळे मल्टीस्पेशालिटी हॉस्पिटलचा कौतुकास्पद उपक्रम
सांगोला :मुलगी जन्माला आली आणि चिंता मिटली उपक्रमामुळे अनेकांच्या चेहऱ्यावर सुखद आनंद देत,बेटी बचाव बेटी पढाओ, मुलगी प्रचार शासन आणि अनेक संघटना करत आहेत मात्र, ना घोषणा ना जीआर याची प्रत्यक्षात थेट अंमलबजावणी सांगोल्यातील डॉ. परेश खंडागळे आणि डॉ. स्वाती खंडागळे यांच्या खंडागळे मल्टीस्पेशालिटी हॉस्पिटल कडलास रोड सांगोला येथे
होत आहे. मुलगी जन्माला आल्यानंतर नॉर्मल प्रसूतीसाठी येणारा दवाखान्याचा खर्च पूर्ण माफ करून खंडागळे मल्टीस्पेशालिटी हॉस्पिटल ने एक आगळा वेगळा उपक्रम हाती घेतला आहे. आणि याचे कौतुक देखील सर्व स्तरातून होत आहे.
मुलाप्रमाणे मुलींच्या जन्माचे स्वागत व्हावे, मुलींचा जन्मदर वाढावा म्हणून स्त्री जन्माचे अनोखे स्वागत करण्यासाठी खंडागळे मल्टीस्पेशालिटी हॉस्पिटल च्या माध्यमातून नाविन्यपूर्ण उपक्रम राबविला जानार आहे. कन्यारत्न जन्मल्यास नॉर्मल डिलिव्हरीचे हॉस्पिटल बिल पूर्ण माफ केले जाणार आहे. व सिजेरियन झाल्यास हॉस्पिटल बिलामध्ये सवलत देण्यात येईल अशी माहिती खंडागळे मल्टी स्पेशालिटी हॉस्पिटलचे प्रमुख डॉ. परेश खंडागळे यांनी दिली आहे. सदर उपक्रम अमर्यादित काळासाठी चालू राहणार आहे. तरी सांगोला शहर आणि तालुक्यातील रुग्णांनी या अनोख्या योजनेचा लाभ घेण्याचे आवाहन डॉक्टर परेश खंडागळे, डॉ. स्वाती परेश खंडागळे यांनी केले आहे.
