भारत गल्ली सार्वजनिक गणेशोत्सव मित्रमंडळाच्या वतीने आज रक्तदान शिबिराचे आयोजन

सांगोला : सांगोला शहरातील जुन्या व नामांकित मंडळ असलेल्या भारत गल्ली सार्वजनिक गणेशोत्सव मित्रमंडळाचे यंदाचे हीरक महोत्सवी ६० वे वर्ष असून मंडळाने यंदाच्या वर्षी १५ फुटी उंच सुबक व नयनरम्य अशी देखणी सिंहासनावर बसलेली आणलेली आहे. आज रविवारी दिनांक 15 सप्टेंबर 2024 रोजी सकाळी ठीक दहा वाजता रक्तदान शिबिराचे आयोजन करण्यात आलेले आहे. यावेळी महिलांसाठी मोफत हिमोग्लोबिन व थायरॉईडची तपासणी देखील पूर्णपणे मोफत करण्यात येणार आहे.रक्तदान करणाऱ्या रक्तदात्यांना भेट वस्तू देण्यात येणार आहे. याचा लाभ सांगोला शहर व तालुक्यातील सर्व गणेश भक्तांनी घ्यावा असे आवाहन मंडळाच्या वतीने करण्यात आलेले आहे.

इच्छुक रक्तदात्यानी या रक्तदान शिबिरास उपस्थित रहावे असे आवाहन मंडळाच्या वतीने करण्यात आले आहे.