कोल्हापूर -कलबुर्गी- कोल्हापूर इंटरसिटी रेल्वे सुरू करा;अशोक कामटे संघटनेची मागणी

सांगोला : शहीद अशोक कामटे बहुउद्देशीय सामाजिक संघटनेच्यावतीने पुणे विभागाचे वरिष्ठ मंडल कार्मिक अधिकारी मच्छिंद्र गळवे यांना विविध मागण्यांचे निवेदन देण्यात आले.

प्रामुख्याने कोल्हापुरातून सोलापूरला जाण्याकरता सकाळच्या 7-8 या वेळेत रेल्वे सेवा सुरू केल्यास मिरज, सलगरे ,कवठेमंकाळ ,ढालगाव सांगोला येथील नागरिकांना पंढरपूर सोलापूर, अक्कलकोट, गाणगापूर या ठिकाणी जाण्याकरिता रेल्वे सुरू करावी यामुळे या भागातील लोकांना कार्यालयीन वेळेत सोलापूर , व धार्मिक स्थळी भेटी देऊन परतीच्या प्रवासाकरता सायंकाळी 5 वाजता कलबुर्गी ते कोल्हापूर अशी रेल्वे सेवा सुरू करावी, कोल्हापूर – सोलापूर -हैदराबाद रेल्वे सेवा सुरू करावी,कोल्हापूर ते कलकत्ता, कोल्हापूर -पंढरपूर -तिरुपती रेल्वे सुरू करावी. कुर्डूवाडी- मिरज रेल्वेचा विस्तार कोल्हापूर पर्यंत करावा तसेच लातूर मिरज कोल्हापूर या मार्गावरील पुणे अंतर्गत येणारे रेल्वे दुहेरीकरणाचे काम ही तात्काळ सुरू करावे. दुहेरीकरणापर्यंत मिरज ते कुर्डूवाडी मार्गावरील क्रॉसिंग पॉइंट वाढवावेत प्रामुख्याने कोल्हापूर, मिरज हे पुणे विभागात येत असल्याने या विभागातील खासदार,वरिष्ठ अधिकारी मागणी केली आहे.या निवेदनाच्या प्रती रेल्वेमंत्री, महाव्यवस्थापक, सोलापूर, पुणे विभागातील सर्व खासदारांनाही देण्यात आल्या आहेत.यावेळी अशोक कामटे संघटनेचे पदाधिकारी व सदस्य उपस्थित होते.

शहीद अशोक कामटे संघटनेच्या निवेदनानुसार कोल्हापूर -सोलापूर-कलबुर्गी- कोल्हापूर इंटरसिटी, कोल्हापूर- हैदराबाद रेल्वेचा प्रस्ताव वरिष्ठ कार्यालयास पाठवून पाठपुरावा करणार आहे प्रामुख्याने या मानदेशातील संघटना ,प्रवासी यांच्या सूचना व मागण्या करिता सकारात्मक अहवाल वरिष्ठ कार्यालयास पाठवून गैरसोय दूर करण्याचा प्रयत्न करून प्रवासी रेल्वेसेवा वाढवण्यावर भर देणार आहे.-श्री.मच्छिंद्र उत्तम गळवे,विभागीय अधिकारी,भारतीय रेल्वे कार्मिक सेवा, भारत सरकार.