लोणविरे गावात दिपकआबांच्या मशालीची शहाजीबापू गटासह शेकापला धग; शेकडो कार्यकर्त्यांचा दिपकआबांच्या उपस्थितीत शिवसेनेत प्रवेश
सांगोला : एकीकडे विधानसभेची रणधुमाळी सुरू असताना दुसरीकडे शहाजीबापू पाटील यांच्या गटासह शेकापमधील सध्याचे नेतृत्व पक्षातील पदाधिकारी आणि कार्यकर्त्याला विश्वासात घेत नसल्याने तसेच अंतर्गत गटबाजीला कंटाळून सांगोला तालुक्यातील लोणविरे येथील शहाजी बापूंच्या कट्टर समर्थक कार्यकर्त्यांसह शेकापच्या कार्यकर्त्यांनी दिपकआबा साळुंखे पाटील यांच्या उपस्थितीत शिवसेनेत प्रवेश करून ठाकरेंची धगधगती मशाल हाती घेतली आहे.
शिवसेना पक्षप्रमुख उध्दव ठाकरेंच्या उपस्थितीत दिपकआबा साळुंखे पाटील यांनी शिवसेनेत प्रवेश केल्यानंतर ठाकरेंच्या मशालीची सर्वात जास्त धग शहाजी बापू पाटील गटासह शेकापला जाणवली आहे. विधानसभेची निवडणूक जाहीर झाल्यानंतर शिवसेना उध्दव बाळासाहेब ठाकरे पक्षाकडून महाविकास आघाडीची अधिकृत उमेदवारी दिपकआबा साळुंखे पाटील यांना जाहीर झाल्यानंतर शहाजीबापू पाटील गटासह शेतकरी कामगार पक्षाला मोठी गळती लागली आहे. एक-एक करत अनेक नेते, पदाधिकारी कार्यकर्ते अखेरचा रामराम करीत पक्ष सोडून दिपकआबांच्या नेतृत्वाखाली काम करण्यासाठी शिवसेना उद्धव बाळासाहेब ठाकरे पक्षात प्रवेश करीत आहेत.
लोणविरे गावातील शहाजीबापूंच्या कट्टर समर्थक कार्यकर्त्यांसह शेकापच्या कार्यकर्त्यांनी अखेरचा रामराम करीत दिपकआबा साळुंखे पाटील यांच्या नेतृत्वावर विश्वास ठेवून उध्दव ठाकरेंच्या शिवसेनेत प्रवेश करीत आहेत. विधानसभा निवडणुकीची रणधुमाळी सुरू असताना सांगोला तालुक्यातील लोणविरे येथील यश खर्चे, अविनाश भजनावळे, अनिल ठोकळे, सुमित भजनावळे, संग्राम भजनावळे, पंकज दोडके, विशाल खर्चे, प्रतीक भजनावळे, अनिल काटे, सुभाष आठवले, धीरज भजनावळे, राजन भजनावळे, संतोष भजनावळे, तुषार खर्चे, नवनाथ ठोकळे, प्रशांत साबळे या कार्यकर्त्यांनी पक्षाला अखेरचा रामराम ठोकत दिपकआबांच्या उपस्थितीत शिवसेनेत प्रवेश करून ठाकरेंची मशाल हाती घेतली.
