सांगोला शहरातील बस स्थानकातील विहिरीमध्ये टाकला कचरा

सांगोला : शहरातील बस स्थानकातील विहिरीमध्ये कचरा टाकत असल्याचा व्हिडीओ नगरपरिषदेस आल्यानुसार नगरपरिषदेमार्फत शहानिशा केली असता व्हिडिओ मधील माणसे ही नवनाथ रसवंती गृह मधील असल्याचे निदर्शानास आलेले आहे. सदर दुकानामधील उसाचे चिपाड त्यांनीच विहिरीमध्ये टाकले असल्याने सदर दुकानावर नगरपरिषदेने दंडाची कार्यवाही केली आहे.

सांगोला शहरात नगरपरिषदेमार्फत कचरा संकलन करणेकामी 10 घंटागाड्या व 3 ट्रॅक्टर च्या सहाय्याने कचरा संकलित केला जातो. तसेच शहरातील व्यापारी वर्गासाठी कचरा संकलित करण्यासाठी स्वतंत्र वाहन व्यवस्था केली आहे. शहरातील नागरिकांनी उघड्यावर कचरा टाकू नये यासाठी नगरपरिषदेमार्फत जाहीर दवंडी, आवाहन याद्वारे जनजागृती करुन माहिती देण्यात आलेली आहे. शहरातील नागरिक ही मोठ्या प्रमाणात त्यांचे घरातील, आस्थापना मधील ओला, सुका व घरगुती घातक असा वर्गीकृत कचरा नगरपरिषदेच्या घंटागाडीत वाहनात देतात. यामुळे शहर कचरामुक्त राहण्यास मदत होत आहे परंतु शहरातील बस स्थानकातील विहिरीमध्ये कचरा टाकत असल्याचा व्हिडीओ नगरपरिषदेस पाठविला होता. त्यानुसार नगरपरिषदेमार्फत शहानिशा केली असता व्हिडिओ मधील माणसे ही नवनाथ रसवंती गृह मधील असल्याचे निदर्शानास आलेले आहे.          सदर दुकानामधील उसाचे चिपाड त्यांनीच विहिरीमध्ये टाकले असल्याने सदर दुकानावर नगरपरिषदेने दंडाची कार्यवाही केली आहे. शहरातील नागरिकांनी, व्यावसायिकांनी कचरा नगरपरिषदेच्या वाहनात द्यावा इतरत्र टाकू नये अन्यथा नागरी घनकचरा व्यवस्थापन अधिनियम 2016 चे तरतुदीनुसार संबंधितावर कारवाई करण्यात येईल असे मुख्याधिकारी डॉ. सुधीर गवळी यांनी सांगितले.